ਦੇਸ਼ ਨੂੰ ਅੱਜ ਇਸ ਤਰਾਂ ਦੇ ਰਹਿਬਰਾਂ ਦੀ ਲੋੜ ਹੈ
ਜੋ ਸੰਵਾਰਨ ਵਿਗੜੀਆਂ ਉਹ ਲੀਡਰਾਂ ਦੀ ਲੋੜ ਹੈ
ਹੋ ਰਹੀ ਹੈ ਕਤਲ ਅੱਜ ਕੱਲ ਜਿਸ ਤਰ੍ਹਾਂ ਇਨਸਾਨੀਅਤ
ਹਰ ਜਗ੍ਹਾ ਕੁਰਬਾਨੀਆਂ ਵਾਲੇ ਸਿਰਾਂ ਦੀ ਲੋੜ ਹੈ
ਫੇਰ ਤੋਂ ਕੁੱਖਾਂ 'ਚੋਂ ਪੈਦਾ ਹੋਣ ਯੋਧੇ ਸੂਰਬੀਰ
ਮੋਕਲੇ ਜਹੇ ਵਿਹੜਿਆਂ ਵਾਲੇ ਘਰਾਂ ਦੀ ਲੋੜ ਹੈ
ਦੌਰ ਕਾਲਾ ਖਾ ਗਿਆ ਅਣਗਿਣਤ ਹੀ ਜਵਾਨੀਆਂ
ਗੈਰਤ ਬਚਾਉਣੀ ਜੇ ਤਾਂ ਫਿਰ ਹੁਣ ਚੋਬਰਾਂ ਦੀ ਲੋੜ ਹੈ
ਭੇੜ ਕੇ ਬੂਹੇ ਜੋ ਲੋਕੀਂ ਕਮਰਿਆਂ ਵਿਚ ਕੈਦ ਨੇ
ਆਖੋ ਉਹਨਾਂ ਨੂੰ ਕਿ ਅੱਜ ਖੁੱਲ੍ਹੇ ਦਰਾਂ ਦੀ ਲੋੜ ਹੈ
ਜੀ ਰਹੇ ਹਾਂ ਇਸ ਤਰ੍ਹਾਂ ਪੰਛੀ ਜਿਵੇਂ ਵਿਚ ਪਿੰਜਰੇ
ਜੇ ਆਜਾਦੀ ਮਾਣਨੀ ਖੁੱਲਿਆਂ ਪਰਾਂ ਦੀ ਲੋੜ ਹੈ
(ਬਲਜੀਤ ਪਾਲ ਸਿੰਘ)
No comments:
Post a Comment