Friday, December 2, 2011

ਗ਼ਜ਼ਲ

ਸਦਾ ਹੱਸਦਾ ਰਹੀਂ ਮੁਸਕਰਾਉਂਦਾ ਰਹੀਂ
ਗੀਤ ਲਿਖਦਾ ਰਹੀਂ ਗੁਣਗੁਣਾਉਂਦਾ ਰਹੀਂ

ਤਪ ਰਹੀ ਹੈ ਇਹ ਧਰਤੀ ਬੜੀ ਦੇਰ ਤੋਂ
ਬਣ ਕੇ ਸਾਵਣ ਦਾ ਬੱਦਲ ਤੂੰ ਛਾਉਂਦਾ ਰਹੀਂ

ਇਹ ਹਨੇਰੇ ਮਿਟਣ ਤੇ ਵਧੇ ਚਾਨਣਾ
ਬਣ ਕੇ ਸੂਰਜ ਸਦਾ ਫੇਰੀ ਪਾਉਂਦਾ ਰਹੀਂ

ਜਾ ਵਿਦੇਸ਼ੀਂ ਤੁੰ ਭੁੱਲ ਹੀ ਨਾ ਜਾਵੀਂ ਕਿਤੇ
ਬਚਪਨੇ ਦੀ ਗਲੀ ਪਿੰਡ ਆਉਂਦਾ ਰਹੀਂ

ਭਾਵੇਂ ਹੈ ਜਿੰਦਗੀ ਪੀੜਾਂ ਦਾ ਸਫਰ
ਸਹਿਜੇ ਸਹਿਜੇ ਕਦਮ ਤੂੰ ਵਧਾਉਂਦਾ ਰਹੀਂ

ਜਿੰਨਾਂ ਲੋਕਾਂ ਨੂੰ ਚਾਨਣ ਦੀ ਲੋਅ ਨਾ ਮਿਲੀ
ਉਂਹਨਾਂ ਲੋਕਾਂ ਲਈ ਦੀਵੇ ਜਗਾਉਂਦਾ ਰਹੀਂ

2 comments:

ਡਾ.ਹਰਦੀਪ ਕੌਰ ਸੰਧੂ said...

ਹਮੇਸ਼ਾਂ ਦੀ ਤਰਾਂ ਦਿਲ ਨੂੰ ਧੂਹ ਪਾਉਂਦੀ ਗਜ਼ਲ........
ਸਭ ਤੋਂ ਵਧੀਆ ਇਹ ਸ਼ੇਅਰ ਲੱਗੇ.........
ਜਾ ਵਿਦੇਸ਼ੀਂ ਤੁੰ ਭੁੱਲ ਹੀ ਨਾ ਜਾਵੀਂ ਕਿਤੇ
ਬਚਪਨੇ ਦੀ ਗਲੀ ਪਿੰਡ ਆਉਂਦਾ ਰਹੀਂ.........ਜੀ ਨਹੀਂ ਕਦੇ ਨਹੀਂ ਭੁੱਲਦਾ ਆਵਦਾ ਪਿੰਡ.........ਇਹ ਪਿੰਡ ਸੁਪਨਿਆਂ 'ਚ ਆਉਂਦਾ ਹੈ.........ਬਚਪਨ 'ਚ ਭੌਂਈਆਂ ਗਲੀਆਂ 'ਚ ਵਿਚਰਦਾ ਹੈ ।

ਜਿੰਨਾਂ ਲੋਕਾਂ ਨੂੰ ਚਾਨਣ ਦੀ ਲੋਅ ਨਾ ਮਿਲੀ
ਉਂਹਨਾਂ ਲੋਕਾਂ ਲਈ ਦੀਵੇ ਜਗਾਉਂਦਾ ਰਹੀਂ
ਬਹੁਤ ਹੀ ਵਧੀਆਂ ਸੋਚ......ਜੇ ਹਰ ਇੱਕ ਇਹੋ ਸੋਚੇ..ਸੋਚੇ ਹੀ ਨਾ ਬਲਕਿ ਕੁਝ ਏਸ ਤਰਾਂ ਦਾ ਕਰੇ ਵੀ......ਫੇਰ ਤਾਂ ਦੁੱਖ ਤਕਲੀਫਾਂ ਦੇ ਬਾਵਜੂਦ ਵੀ ਜ਼ਿੰਦਗੀ ਚੰਗੀ ਲੱਗੇਗੀ ।

ਹਰਦੀਪ

ਬਲਜੀਤ ਪਾਲ ਸਿੰਘ said...

ਹਰਦੀਪ ਜੀ,ਧੰਨਵਾਦ