Saturday, December 4, 2010

ਗਜ਼ਲ

  • ਲੋਕਾਂ ਦਾ ਕੀ ਕਰੀਏ ਅਤੇ ਇਸ ਜੱਗ ਦਾ ਕੀ ਕਰੀਏ  
  • ਸੀਨੇ ਅੰਦਰ ਧੁਖਦੀ ਜੋ,ਉਸ ਅੱਗ ਦਾ ਕੀ ਕਰੀਏ

  •   ਹਰ ਪਲ ਸੁਪਨੇ ਲੈਂਦਾ ਪੰਛੀ ਵਾਂਕਣ ਉੱਡਣ ਦੇ 
  • ਆਖੇ ਨਹੀਂ ਲੱਗਦਾ ਦਿਲ,ਲਾਈਲੱਗ ਦਾ ਕੀ ਕਰੀਏ
  •  
  • ਕਰਜ਼ੇ ਹੇਠ ਨਪੀੜੀ ਬੜੀ ਨਮੋਸ਼ੀ ਹੈ ਝਲਦੀ 
  • ਹੁਣ ਤੱਕ ਸਾਂਭੀ ਰੱਖੀ ਜੋ, ਉਸ ਪੱਗ ਦਾ ਕੀ ਕਰੀਏ 
  •  
  •   ਦਿੱਲੀ ਦੇ ਵਿਚ ਬੈਠਾ ਅੰਦਰ ਸਖਤ ਸੁਰੱਖਿਆ ਦੇ 
  • ਕੋਈ ਜੁਗਤ ਬਣਾਓ ਕਿ,ਉਸ ਠੱਗ ਦਾ ਕੀ ਕਰੀਏ
  •  
  • ਸ਼ਾਮ ਢਲੀ ਤਾਂ ਬਸਤੀ ਵਿਚ ਹਨੇਰਾ ਪੱਸਰ ਗਿਆ  
  • ਤੇਰੀਆਂ ਸੜਕਾਂ ਤੇ ਹੁੰਦੀ,ਜਗਮਗ ਦਾ ਕੀ ਕਰੀਏ

9 comments:

हरकीरत ' हीर' said...

ਲੋਕਾਂ ਦਾ ਕੀ ਕਰੀਏ ਅਤੇ ਇਸ ਜੱਗ ਦਾ ਕੀ ਕਰੀਏ

ਸੀਨੇ ਅੰਦਰ ਧੁਖਦੀ ਜੋ,ਉਸ ਅੱਗ ਦਾ ਕੀ ਕਰੀਏ

ਬਹੁਤ ਖੂਬ .....!!

ਸ਼ਾਮ ਢਲੀ ਤਾਂ ਬਸਤੀ ਵਿਚ ਹਨੇਰਾ ਪੱਸਰ ਗਿਆ

ਤੇਰੀਆਂ ਸੜਕਾਂ ਤੇ ਹੁੰਦੀ,ਜਗਮਗ ਦਾ ਕੀ ਕਰੀਏ

ਬਲਜੀਤ ਜੀ ਮਤਲਾ ਤੇ ਮਕਤਾ ਦੋਨੋ ਹੀ ਬੜੇ ਜੋਰਦਾਰ ਨੇ .....

ਤੁਹਾਡੀਆਂ ਗਜ਼ਲਾਂ ਹਮੇਸ਼ਾ ਹੀ ਤਾਰੀਫ਼ ਦੇ ਕਾਬਿਲ ਹੁੰਦੀਆਂ ਨੇ ....

ਵਧਾਈ ...!!

ਬਲਜੀਤ ਪਾਲ ਸਿੰਘ said...

ਸ਼ੁਕਰੀਆ ਹਰਕੀਰਤ ਜੀ,ਤੁਸੀਂ ਹਮੇਸ਼ਾ ਹੀ ਹੌਸਲਾ ਵਧਾਇਆ ਹੈ।

Hardeep Sandhu said...

ਬਹੁਤ ਹੀ ਵਧੀਆ ਗਜ਼ਲ !
ਓਸ ਠੱਗ ਨੂੰ ਠੱਗਣ ਦੀ ਕੋਈ ਜੁਗਤ ਤਾਂ ਬਣਾਉਣੀ ਹੀ ਪੈਣੀ ਹੈ ।

surjit said...

Baljit ji ik ik shiar kabile tarif hai.......safar vadhda rahe ihi dua hai.
Surjit.

ਡਾ. ਹਰਦੀਪ ਕੌਰ ਸੰਧੂ said...

ਬਲਾਗ ਦਾ ਨਵਾਂ ਰੂਪ ਬਹੁਤ ਚੰਗਾ ਲੱਗਾ ।
ਨਵੀਂ ਗਜ਼ਲ ਦੀ ਉਡੀਕ ਰਹੇਗੀ ।
ਹਰਦੀਪ

ਡਾ. ਹਰਦੀਪ ਕੌਰ ਸੰਧੂ said...

ਨਵੇਂ ਸਾਲ ਦੀਆਂ ਢੇਰ ਮੁਬਾਰਕਾਂ !

Unknown said...

SSA bhaji
Lines are really touching
regards
Kirpal Singh manes

ਬਲਜੀਤ ਪਾਲ ਸਿੰਘ said...

ਸ਼ੁਕਰੀਆ,ਮਨੇਸ ਜੀ

Pankaj Makkar said...

ਬਹੁਤ ਵਧੀਆ ਜੀ....!