Monday, May 10, 2010

ਗਜ਼ਲ

ਪੱਤਝੜਾਂ ਵਿਚ ਤਿਨਕੇ ਲੱਭਣੇ ਮੁਸ਼ਕਿਲ ਨਹੀਂ ਹੁੰਦੇ
ਸਿਖਰ ਧੁੱਪਾਂ ਦੇ ਰਾਹੀ ਕਦੇ ਕਮਦਿਲ ਨਹੀਂ ਹੁੰਦੇ

ਬਹੁਤੀ ਵਾਰੀ ਕਈ ਹੋਰ ਸਿਤਮ ਵੀ ਮਾਰ ਜਾਂਦੇ ਨੇ
ਚਾਕੂ,ਛੁਰੀ,ਬੰਦੂਕ ਸਿਰਫ ਕਾਤਿਲ ਨਹੀਂ ਹੁੰਦੇ

ਆਦਮੀ ਤੋਂ ਬਣਨਾ ਪੈਂਦਾ ਗੌਤਮ ਰਿਸ਼ੀ ਮੁਨੀਂ
ਬਜ਼ਾਰਾਂ ਵਿਚ ਸਕੂਨ ਜਦੋਂ ਹਾਸਿਲ ਨਹੀਂ ਹੁੰਦੇ

ਚੰਗੇ ਲੱਗਣ ਸਾਨੂੰ ਬ੍ਰਿਖ ਪਰਿੰਦੇ ਫੇਰ ਵੀ
ਭਾਵੇਂ ਸਾਡੇ ਦੁੱਖਾਂ ਵਿਚ ਇਹ ਸ਼ਾਮਿਲ ਨਹੀਂ ਹੁੰਦੇ

ਸਿਰਫ ਬਹਾਰਾਂ ਮਾਣਨਾ ਹੈ ਆਰਜ਼ੂ ਜਿਸ ਦੀ
ਚੋਟ ਸਹਿਣ ਦੇ ਉਹ ਕਦੇ ਕਾਬਿਲ ਨਹੀਂ ਹੁੰਦੇ

ਸਿਰਫ ਪੈਡਿਆਂ ਖਾਤਿਰ ਤੁਰਨਾ ਪੈ ਜਾਂਦਾ
ਰਸਤੇ ਤਾਂ ਰਸਤੇ ਹੁੰਦੇ ਮੰਜ਼ਿਲ ਨਹੀਂ ਹੁੰਦੇ

4 comments:

  1. ਬਹੁਤੀ ਵਾਰੀ ਕਈ ਹੋਰ ਸਿਤਮ ਵੀ ਮਾਰ ਜਾਂਦੇ ਨੇ
    ਚਾਕੂ,ਛੁਰੀ,ਬੰਦੂਕ ਸਿਰਫ ਕਾਤਿਲ ਨਹੀਂ ਹੁੰਦੇ
    ਬਿਲਕੁਲ ਠੀਕ ਕਿਹਾ....
    ਚਾਕੂ-ਛੁਰੀ ਨਾਲ਼ ਕੀਤਾ ਵਾਰ ਦਿਸਦਾ ਵੀ ਹੈ ਤੇ ਭਰ ਵੀ ਜਾਂਦਾ। ਪਰ ਕੌੜੇ ਬੋਲਾਂ ਨਾਲ਼ ਕੀਤਾ ਵਾਰ ਨਾ ਤਾਂ ਦਿਖਾਈ ਦਿੰਦਾ ਤੇ ਨਾ ਹੀ ਛੇਤੀ ਕੀਤਿਆਂ ਭਰਦਾ ਹੀ ਹੈ।
    ਹਰਦੀਪ

    ReplyDelete
  2. wah sirji..bahut vadia,,,
    sikhar dupehar de raahi kamdil nahi hunde...

    sohna likhea...raabb di bakshish kayam rahe...rabb rakha

    ReplyDelete
  3. gzl bahut vadheeaa akhi hai ji
    khaas taur te eh sher
    "sirf bahaaraN maan`na hai aarzu jisdi..." bahut khoob
    please visit
    panesarcom.blogspot.com

    ReplyDelete
  4. ਚੰਗੇ ਲੱਗਣ ਸਾਨੂੰ ਬ੍ਰਿਖ ਪਰਿੰਦੇ ਫੇਰ ਵੀ
    ਭਾਵੇਂ ਸਾਡੇ ਦੁੱਖਾਂ ਵਿਚ ਇਹ ਸ਼ਾਮਿਲ ਨਹੀਂ ਹੁੰਦੇ
    .....saari ghazal hi bahut khoob hai par eh satraan mann nu chhoo gayeean

    mere blog te vi ao kade
    udeek karaanga.....Gurvinder Panesar
    panesarcom.blogspot.com

    ReplyDelete