ਜਿਵੇਂ ਦਾ ਸੋਚਦਾ ਕੋਈ ਓਵੇਂ ਹੋਇਆ ਨਹੀਂ ਹੈ।
ਕਿ ਫਿਰ ਵੀ ਸ਼ੌਕ ਠੰਡੀ ਪੌਣ ਦਾ ਮੋਇਆ ਨਹੀਂ ਹੈ।
ਹਮੇਸ਼ਾ ਜ਼ਿੰਦਗੀ ਦਾ ਸਫਰ ਵੀ ਸੌਖਾ ਨਹੀਂ ਹੁੰਦਾ,
ਉਹ ਕਿਹੜਾ ਰਾਹ ਹੈ ਜਿਸ ਉੱਤੇ ਕਿ ਟੋਇਆ ਨਹੀਂ ਹੈ।
ਕਿਹਾ ਸਾਰੇ ਫ਼ਕੀਰਾਂ ਨੇ ਕਿ ਏਥੇ ਸਭ ਦੁਖੀ ਨੇ,
ਕਿ ਲੱਭਿਓ ਸ਼ਖ਼ਸ ਐਸਾ ਜੋ ਕਦੇ ਰੋਇਆ ਨਹੀਂ ਹੈ।
ਮਿਲੇਗੀ ਕਾਮਯਾਬੀ ਫੇਰ ਏਥੇ ਕਿਸ ਤਰੀਕੇ ਦੀ,
ਪਸੀਨਾ ਜਿਸਮ ਵਿੱਚੋਂ ਜੇ ਕਦੇ ਚੋਇਆ ਨਹੀਂ ਹੈ।
ਗਲੀ ਵਿੱਚੋਂ ਜਦੋਂ ਵੀ ਗੁਜ਼ਰਨਾ ਤਾਂ ਦੇਖ ਇਹ ਲੈਣਾ,
ਸੁਆਗਤ ਹੀ ਕਰਾਂਗੇ ਬੂਹਾ ਢੋਇਆ ਨਹੀਂ ਹੈ।
(ਬਲਜੀਤ ਪਾਲ ਸਿੰਘ)
No comments:
Post a Comment