Thursday, November 19, 2020

ਗ਼ਜ਼ਲ

ਘਰ ਢਹਿ ਢੇਰੀ ਤੇ ਇਮਾਰਤਾਂ ਖੰਡਰ ਹੋਣਗੀਆਂ

ਏਹ ਤਸਵੀਰਾਂ ਸਾਡੇ ਸਮਿਆਂ ਅੰਦਰ ਹੋਣਗੀਆਂ


ਪਰਲੋ ਜਦ ਆਈ ਤਾਂ ਏਥੇ ਕੁਝ ਵੀ ਨਹੀਂ ਰਹਿਣਾ

ਏਥੇ ਬਚੀਆਂ ਫੇਰ ਜ਼ਮੀਨਾਂ ਬੰਜਰ ਹੋਣਗੀਆਂ


ਪਹਿਲਾਂ ਵਾਲਾ ਵਕਤ ਤਾਂ ਇਸ ਤੋਂ ਜ਼ਿਆਦਾ ਚੰਗਾ ਸੀ

ਏਹੋ ਗੱਲਾਂ ਦੇਖ ਲਿਓ ਫਿਰ ਘਰ ਘਰ ਹੋਣਗੀਆਂ


ਜਦ ਵੀ ਨਾ ਮਿਲਿਆ ਕਿਧਰੇ ਰੁਜ਼ਗਾਰ ਕਿਸੇ ਤਾਈਂ

ਬੇਰੁਜ਼ਗਾਰ ਪੜ੍ਹਾਈਆਂ ਨਵੀਆਂ ਅਕਸਰ ਹੋਣਗੀਆਂ 


ਲੜ- ਮਰਨੇ ਦਾ ਮਾਦਾ ਜਿੰਨਾ ਦੇ ਵਿੱਚ ਹੋਵੇਗਾ

ਓਹੀ ਕੌਮਾਂ  ਦੁਨੀਆਂ ਅੰਦਰ ਬਿਹਤਰ ਹੋਣਗੀਅਾਂ

(ਬਲਜੀਤ ਪਾਲ ਸਿੰਘ)

No comments: