Wednesday, June 3, 2020

ਗਜ਼ਲ

ਬੜੀ ਮਾੜੀ ਹਕੀਕਤ ਹੈ ਬੜੇ ਹਾਲਾਤ ਮਾੜੇ ਨੇ
ਕਿ ਏਥੇ ਰਾਜ ਕਰਦੇ ਜੋ ਬੜੇ ਕੰਮਜਾਤ ਮਾੜੇ ਨੇ
 
ਹਕੂਮਤ ਹੋ ਗਈ ਹੈ ਜ਼ਾਲਮਾਨਾ ਇਸ ਤਰ੍ਹਾਂ ਏਥੇ
ਕਿ ਮੇਰੇ ਦੇਸ਼ ਅੰਦਰ ਵੇਖ ਲਓ ਦਿਨ ਰਾਤ ਮਾੜੇ ਨੇ
 
ਹੈ ਬੰਦੇ ਨੂੰ ਭਿਖਾਰੀ ਜਿਸ ਤਰ੍ਹਾਂ ਉਹਨਾਂ ਬਣਾ ਦਿੱਤਾ
ਆਟਾ ਦਾਲ ਵਰਗੇ ਜੋ ਮਿਲੇ ਖ਼ੈਰਾਤ ਮਾੜੇ ਨੇ
 
ਜਰਾ ਪੁੱਛੋ ਕਿਸਾਨਾਂ ਨੂੰ ਕਿ ਓਦੋਂ ਬੀਤਦੀ ਕਿੱਦਾਂ
ਕਿ ਸੋਕਾ ਵੀ ਬੜਾ ਮਾੜਾ ਗੜੇ ਬਰਸਾਤ ਮਾੜੇ ਨੇ
 
ਹਮੇਸ਼ਾ ਆਪਣਾ ਹੀ ਫਾਇਦਾ ਹੈ ਸੋਚਦਾ ਲੋਭੀ
ਕਿ ਰੱਖਣੇ ਇਸ ਤਰ੍ਹਾਂ ਦੇ ਹਰ ਸਮੇਂ ਜਜ਼ਬਾਤ ਮਾੜੇ ਨੇ
(ਬਲਜੀਤ ਪਾਲ ਸਿੰਘ)