ਚੰਗਾ ਕਹਿ-ਕਹਿ ਕੇ ਵਡਿਆਈ ਜਾਨੇ ਆਂ।
ਕੁਝ ਲੋਕਾਂ ਨੂੰ ਐਵੇਂ ਸਿਰੇ ਚੜ੍ਹਾਈ ਜਾਨੇ ਆਂ।
ਬਹੁਤਾ ਸੋਚਣ ਤੋਂ ਵੀ ਹਾਸਲ ਥੋੜ੍ਹਾ ਹੁੰਦਾ ਹੈ,
ਸੋਚਾਂ ਵਾਲੇ ਘੋੜੇ ਨਿੱਤ ਭਜਾਈ ਜਾਨੇ ਆਂ।
ਸਾਰੇ ਤੁਰ ਪਏ ਡਾਲਰ ਤੇ ਪੌਂਡਾਂ ਦੇ ਦੇਸ਼ਾਂ ਨੂੰ,
ਜੰਮਣ ਭੋਇੰ ਦਾ ਵੀ ਕਰਜ਼ ਭੁਲਾਈ ਜਾਨੇ ਆਂ।
ਲਾਸ਼ਾਂ ਉੱਤੇ ਏਥੇ ਗੁੰਡੇ ਭੰਗੜੇ ਪਾਉਂਦੇ ਨੇ ,
ਮੋਈ ਤਿਤਲੀ ਮਾਤਮ ਅਸੀਂ ਮਨਾਈ ਜਾਨੇ ਆਂ।
ਲੋਕਾਂ ਦੇ ਤੰਤਰ ਦਾ ਭੌਂਪੂ ਵੱਜਦਾ ਰਹਿੰਦਾ ਹੈ,
ਬੰਦੇ ਵੋਟਾਂ ਬਣੀਆ ਤੇ ਭੁਗਤਾਈ ਜਾਨੇ ਆਂ।
ਭਾਵੇਂ ਗਲਤੀ ਕੀਤੀ ਨਹੀਂ ਸਜ਼ਾਵਾਂ ਝੱਲੀਆਂ ਨੇ,
ਬੀਤੇ ਸਮਿਆਂ ਉੱਤੇ ਹੁਣ ਪਛਤਾਈ ਜਾਨੇ ਆਂ।
(ਬਲਜੀਤ ਪਾਲ ਸਿੰਘ)
