World

Saturday, October 22, 2022

ਗ਼ਜ਼ਲ


ਜਾਣੀਏ ਹੁਣ ਜ਼ਿੰਦਗੀ ਦਾ ਮੋਹ ਪਰੁੰਨਾ ਫਲਸਫਾ

ਛੱਡ ਦੇਈਏ ਨਫ਼ਰਤਾਂ ਦਾ ਕੋਹੜ ਭਰਿਆ ਮਾਜਰਾ

 

ਰਾਜਨੀਤੀ ਤੇ ਧਰਮ ਨੇ ਰੋਲਿਆ ਹਰ ਬਸ਼ਰ ਨੂੰ

ਕੋਈ ਆਵੇ ਦੇਵੇ ਇਹਨਾਂ ਭਟਕਿਆਂ ਨੂੰ ਆਸਰਾ


ਜ਼ਿੰਦਗੀ ਦਾ ਪੰਧ ਐਨਾ ਰੰਗਲਾ ਹੋਵੇ ਜਨਾਬ

ਝਰਨਿਆਂ ਨਦੀਆਂ ਹੁਸੀਨ ਵਾਦੀਆਂ ਦਾ ਸਿਲਸਿਲਾ


ਸ਼ੀਸ਼ਿਆਂ ਤੇ ਪਰਦਿਆਂ ਵਿੱਚ ਬੈਠਕੇ ਆਵੇ ਕਿਵੇਂ

ਪੰਛੀਆਂ ਵਾਂਗੂੰ ਉਡਾਰੀ ਭਰਨ ਦਾ ਉਹ ਹੌਸਲਾ‌‌


ਮੈਂ ਕਦੇ ਵੀ ਖ਼ਾਬ ਅੰਦਰ ਸੋਚਿਆ ਏਦਾਂ ਨਾ ਸੀ

ਖੇਡ ਚੁੱਕਾ ਹੈ ਫਰੇਬੀ ਖੇਡ ਜਿਹੜੀ ਦਿਲਰੁਬਾ


ਏਸ ਥਾਂ ਤੇ ਸ਼ਹਿਰ ਅੰਦਰ ਸੀ ਕਦੇ ਰੌਣਕ ਬੜੀ

ਏਥੇ ਵੀ ਕਿੰਨੀ ਤਬਾਹੀ ਕਰ ਗਿਆ ਹੈ ਜ਼ਲਜ਼ਲਾ


ਸਾਰਿਆਂ ਨੂੰ ਨਾਲ ਲੈ ਕੇ ਤੁਰਨ ਦਾ ਕਰੀਏ ਉਪਾਅ

'ਕੱਲਿਆਂ ਦਾ ਕੀ ਬਣੇਗਾ ਰਸਤਿਆਂ 'ਤੇ ਕਾਫਲਾ

(ਬਲਜੀਤ ਪਾਲ ਸਿੰਘ)




No comments: