ਹਰ ਵੇਲੇ ਗ਼ਮਗੀਨ ਫ਼ਸਾਨਾ ਢੁਕਦਾ ਨਹੀਂ
ਵਕਤ ਦਾ ਪਹੀਆ ਗਿੜਦਾ ਜਾਵੇ ਰੁਕਦਾ ਨਹੀਂ
ਸਭ ਦਾ ਚੋਗਾ ਵੱਖਰਾ ਖਿੰਡਿਆ ਹੋਇਆ ਹੈ
ਕੋਈ ਕਿਸੇ ਦੇ ਅੱਗੋਂ ਥਾਲੀ ਚੁਕਦਾ ਨਹੀਂ
ਕੁਦਰਤ ਨੇ ਬੰਦੇ ਨੂੰ ਐਨਾ ਕੁਝ ਦਿੱਤਾ
ਸਦੀਆਂ ਤੀਕਰ ਖਾਧੇ ਤੋਂ ਵੀ ਮੁਕਦਾ ਨਹੀਂ
ਬਰਫ਼ ਪਹਾੜਾਂ ਉੱਤੇ ਪੈਂਦੀ ਰਹਿਣੀ ਹੈ
ਅਤੇ ਸਾਗਰਾਂ ਵਿੱਚੋਂ ਪਾਣੀ ਸੁਕਦਾ ਨਹੀਂ
ਕਰਨੀ ਪੈਂਦੀ ਹੈ ਖੁਸ਼ਾਮਦ ਝੂਠੇ ਨੂੰ ਹੀ
ਸੱਚਾ ਬੰਦਾ ਹਰ ਇੱਕ ਅੱਗੇ ਝੁਕਦਾ ਨਹੀਂ
ਬੜਾ ਸਿਆਣਾ ਉਹ ਸਰੋਤਾ ਹੁੰਦਾ ਹੈ
ਗੱਲ ਸਿਆਣੀ ਅੱਧ ਵਿੱਚੋਂ ਜੋ ਟੁਕਦਾ ਨਹੀਂ
(ਬਲਜੀਤ ਪਾਲ ਸਿੰਘ)
No comments:
Post a Comment