ਮਿੱਟੀ ਦੇ ਨਾਲ ਮਿੱਟੀ ਹੋਈ ਜਾਨੇ ਆਂ
ਐਥੋਂ ਓਥੇ ਮਿੱਟੀ ਢੋਈ ਜਾਨੇ ਆਂ
ਦਰਿਆਵਾਂ ਨੇ ਆਖਰ ਵਗਣਾ ਹੇਠਾਂ ਨੂੰ
ਕਾਹਤੋਂ ਪੁੱਠੀ ਚੱਕੀ ਝੋਈ ਜਾਨੇ ਆਂ
ਪਹਿਲਾਂ ਮੈਂ ਵੀ ਏਦਾਂ ਕਰਦਾ ਹੁੰਦਾ ਸੀ
ਦਾਗ਼ ਨਾ ਲੱਥੇ ਦਾਮਨ ਧੋਈ ਜਾਨੇ ਆਂ
ਰਿੜ੍ਹ ਕੇ ਆਉਣਗੇ ਪੱਥਰ ਜਦੋਂ ਪਹਾੜਾਂ ਤੋਂ
ਮਿੱਧ ਜਾਣੀ ਜੋ ਮਿੱਟੀ ਗੋਈ ਜਾਨੇ ਆਂ
ਜੋ ਨਿਰਧਨ ਹਨ ਉਹਨਾਂ ਦੀ ਵੀ ਸਾਰ ਲਵੋ
ਹੁੰਦੇ ਸੁੰਦੇ ਸਭ ਕੁਝ ਰੋਈ ਜਾਨੇ ਆਂ
ਯਾਦ ਕਿਸੇ ਦੀ ਜਦ ਆਵੇ ਬਰਸਾਤ ਸਮੇਂ
ਕੱਚੇ ਕੋਠੇ ਵਾਂਗੂੰ ਚੋਈ ਜਾਨੇ ਆਂ
(ਬਲ
ਜੀਤ ਪਾਲ ਸਿੰਘ)
No comments:
Post a Comment