ਜਦ ਵੀ ਮਨ ਦਾ ਕਾਗਜ਼ ਕੋਰਾ ਹੋਵੇ ਤਾਂ ਲਿਖ ਲੈਂਦਾ ਹਾਂ
ਜੀਵਨ ਅੰਦਰ ਕੋਈ ਝੋਰਾ ਹੋਵੇ ਤਾਂ ਲਿਖ ਲੈਂਦਾ ਹਾਂ
ਘਰ ਤੋਂ ਦੂਰ ਨਹਿਰ ਦੇ ਕੰਢੇ ਜਦ ਵੀ ਬੈਠਾ ਹੋਵਾਂ ਤਾਂ
ਕੰਮ ਕਾਰ ਦਾ ਫ਼ਿਕਰ ਨਾ ਭੋਰਾ ਹੋਵੇ ਤਾਂ ਲਿਖ ਲੈਂਦਾ ਹਾਂ
ਮਨ ਮਸਤਕ ਵਿੱਚ ਮਹਿਕਾਂ ਛੱਡਦੀ ਖਾਮ ਖ਼ਿਆਲੀ ਹੋਵੇ
ਰੁੱਤਾਂ ਬਦਲਣ ਫੇਰਾ ਤੋਰਾ ਹੋਵੇ ਤਾਂ ਲਿਖ ਲੈਂਦਾ ਹਾਂ
ਬਹੁਤੀ ਦੌਲਤ ਹਾਸਲ ਕਰਕੇ ਦਿਲ ਦੀ ਸ਼ਾਂਤੀ ਨੂੰ
ਜੇਕਰ ਖਾਂਦਾ ਸੁਸਰੀ ਢੋਰਾ ਹੋਵੇ ਤਾਂ ਲਿਖ ਲੈਂਦਾ ਹਾਂ
ਕਰਦੇ ਨਾ ਉਹ ਲੋਕ ਤਰੱਕੀ ਖੁਦਗਰਜ਼ੀ ਦਾ ਜਿਨ੍ਹਾਂ ਨੂੰ
ਲੱਗਿਆ ਹੋਇਆ ਕੋਈ ਖੋਰਾ ਹੋਵੇ ਤਾਂ ਲਿਖ ਲੈਂਦਾ ਹਾਂ
(ਬਲਜੀਤ ਪਾਲ ਸਿੰਘ)
No comments:
Post a Comment