ਗ਼ਜ਼ਲ

ਕਰਦੀ ਗ਼ਰੂਰ ਹੈ ਜੋ,ਹਸਤੀ ਮਿਟਾ ਦਿਆਂਗਾ
ਮਹਿਲਾਂ ਦੇ ਬਾਹਰ ਲੱਗੀ,ਤਖ਼ਤੀ ਮਿਟਾ ਦਿਆਂਗਾ

ਹਰ ਵਕਤ ਘਾਣ ਹੁੰਦਾ,ਇਨਸਾਨੀਅਤ ਦਾ ਜਿਥੇ
ਮੈਂ ਪਾਪੀਆਂ ਦੀ ਸਾਰੀ,ਬਸਤੀ ਮਿਟਾ ਦਿਆਂਗਾ

ਮਿਲਿਆ ਜ਼ਰਾ ਕੁ ਮੌਕਾ, ਫਿਰ ਦੇਖ ਲੈਣਾ ਮੈਨੂੰ
ਸ਼ੁਹਰਤ ਮਿਲੀ ਹੈ ਜਿਹੜੀ,ਸਸਤੀ ਮਿਟਾ ਦਿਆਂਗਾ

ਬਰਫ਼ਾਂ ਦੇ ਹੇਠਾਂ ਦੱਬੀ,ਬੇਬਾਕ ਆਤਮਾ ਹਾਂ
ਜੋ ਪਰਬਤਾਂ ਨੇ ਕੀਤੀ,ਸਖ਼ਤੀ ਮਿਟਾ ਦਿਆਂਗਾ

ਜਸ਼ਨਾਂ ਦਾ ਇਹ ਨਹੀਂ ਮੌਕਾ,ਹਾਲਾਤ ਨੇ ਉਦਾਸੇ
ਬੇਮੌਸਮੀ ਜੋ ਛਾਈਂ,ਮਸਤੀ ਮਿਟਾ ਦਿਆਂਗਾ
(ਬਲਜੀਤ ਪਾਲ ਸਿੰਘ,)