Monday, February 6, 2023

ਗ਼ਜ਼ਲ


ਭਰਮ ਵਫ਼ਾ ਦਾ ਕੀਤਾ ਸੀ ਐ-ਪਰ ਟੁੱਟਿਆ

ਘੜਾ ਇਸ਼ਕ ਦਾ ਕੱਚਾ ਸੀ ਤਾਂ ਕਰ ਟੁੱਟਿਆ 


ਰੁੱਖ ਦੀ ਟਾਹਣੀ ਗ਼ਲਤ ਚੁਣੀ ਸੀ ਪੰਛੀ ਨੇ

ਚਾਰ ਕੁ ਤੀਲੇ ਅਜੇ ਧਰੇ ਸੀ ਘਰ ਟੁੱਟਿਆ 


ਉਹ ਵੀ ਕਹਿੰਦੇ ਤੂੰ ਸਾਡੇ ਲਈ ਕੀ ਕੀਤਾ ਹੈ 

ਜਿੰਨਾ ਖਾਤਿਰ ਵੀ ਬਾਪੂ ਮਰ ਮਰ ਟੁੱਟਿਆ


ਬੱਚਿਆਂ ਦੇ ਸਭ ਸੁਫ਼ਨੇ ਪੂਰੇ ਹੋਣ ਸਦਾ ਹੀ 

ਮਾਦਾ ਵੀ ਟੁੱਟਦੀ ਰਹਿੰਦੀ ਤੇ ਨਰ ਟੁੱਟਿਆ


ਸੰਸਕਾਰ ਤਹਿਜ਼ੀਬ ਵੀ ਮਨਫੀ ਹੋਏ ਏਦਾਂ 

ਏਸੇ ਲਈ ਤਾਂ ਔਲਾਦਾਂ ਦਾ ਡਰ ਟੁੱਟਿਆ 


ਸਾਦ ਮੁਰਾਦੇ ਬੰਦੇ ਦੀ ਤਕਦੀਰ ਇਹ ਹੁੰਦੀ  

ਆਖਿਰ ਨੂੰ ਮਿੰਨਤਾਂ ਤਰਲੇ ਕਰ ਕਰ ਟੁੱਟਿਆ 

(ਬਲਜੀਤ ਪਾਲ ਸਿੰਘ)

 

No comments: